PandaDoc купіла нямецкую фінтэхкампанію Denario
IT-кампанія PandaDoc, заснаваная беларусамі, купіла берлінскую фінтэхкампанію Denario. Здзелка была завершаная ў жніўні, аднак яе фінансавыя параметры не раскрываюцца, паведамляе Office Life.
Кампанія PandaDoc была заснаваная ў 2013 годзе ў Менску Мікітам Мікадам і Сяргеем Барысюком. У канцы 2021-га яна была ацэненая на 1 млрд даляраў і стала першым у гісторыі Беларусі стартапам-«адзінарогам». Але ў 2020 годзе кіраўнікі кампаніі падтрымалі пратэсты ў Беларусі, у сувязі з чым некаторыя з іх на пэўны час патрапілі за краты нібыта па эканамічных абвінавачаннях, а PandaDoc пакінула Беларусь.
PandaDoc стварае прадукт, які дапамагае аўтаматызаваць дакументаабарот і адсочваць гандлёвую дакументацыю. У кампаніі разлічваюць, што набыццё Denаrio дазволіць палепшыць уласную платформу для апрацоўвання дакументаў і плацяжоў і пашырыць магчымасці PandaDoc у кіраванні грашовымі патокамі.
Цяпер 100 супрацоўнікаў Denario працуюць у новым, шостым, офісе PandaDoc у свеце. Іншыя офісы кампаніі месцяцца ў ЗША (два), Украіне, Польшчы і Партугаліі. Мінскае падраздзяленне было ліквідавана ў пачатку 2022 года.
Чытайце таксама:
Прадпрымальнік з Беларусі Ігар Маханёк стварыў інвестфонд для стартапаў мігрантаў у ЗША
Экспарт ПВТ за мінулы год упаў на паўмільярда даляраў
«Часам гэта можа быць лэвэл даўн». Што з працай і заробкамі ў беларускім ІТ-сектары
