Абвясцілі збор сродкаў на кансервацыю бернардзінскага кляштара на Ушаччыне
Ушацкае дзяржаўнае выданне «Патрыёт» абвясціла пра адкрыццё рахунку для збору сродкаў на кансервацыю і аднаўленчыя работы на бернардзінскім кляштары ў вёсцы Селішча Ушацкага раёна. Гэта адзіны ў краіне храм у гонар святой Веранікі.
Выданне піша пра неабходнасць тэрміновай пабудовы на кляштары часовага даху і кансервацыі фрагментаў сцен.
Кляштар доўгі час стаіць без дагляду і без кансервацыі. У красавіку 2023 года ў ім абрынулася сцяна.
Касцёл XVIII стагоддзя ўключаны ў Дзяржаўны спіс гісторыка-культурных каштоўнасцяў як помнік архітэктуры рэспубліканскага значэння (2-я катэгорыя), але такі высокі статус не паспрыяў спыненню яго разбурэння.
Нарэшце ўлады задумаліся пра неабходнасць кансервацыі пакуль не цалкам страчанага кляштара.
Адкрыты спецыяльны дабрачынны рахунак:
BY39AKBB31320112601822300000, код AKBBBY2X, УНП 300006248.
Больш падрабязна пра бернардзінскі кляштар на Ушаччыне чытайце тут.
