Да палітвязня Уладзіміра Гундара, які аглух у карцары, часткова вярнуўся слых
З 29 красавіка па 6 мая палітзняволенага Уладзіміра Гундара ўтрымлівалі ў карцары, дзе ён стаў дрэнна чуць у апошні дзень тэрміну. Пасля выхаду яго стала ліхаманіць у камеры, яму было вельмі холадна, балелі галава і вушы, ён перастаў чуць сукамернікаў і зразумеў, што аглух канчаткова.
Фота: СБ
Па інфармацыі праваабаронцаў, Уладзіміру выклікалі ларынголага з паліклінікі. Пасля агляду і дапамогі лекара палітвязень ідзе на папраўку.
Выкліканы доктар даў яму цытрамон і ібупрафен, абяцаў выклікаць лора. Аднак дагэтуль невядома, ці наведаў палітвязня спецыяліст.
Спагнанне Гундару вынеслі яшчэ ў пачатку красавіка за не так пакладзеную на шконку падушку. Але на працягу месяца яго туды не адпраўлялі праз адсутнасць вольнага месца.
Уладзіміру прысудзілі 20 гадоў калоніі. Ён праходзіў па «справе Аўтуховіча». Цяпер ён знаходзіцца ў гродзенскай турме.
Чытайце таксама:
Аўтуховічу — 25 гадоў калоніі. Вынесены прысуды 12 фігурантам справы
