Мядзведзеў прадказаў Зяленскаму смерць Гітлера — «наглытаўшыся сабачага яду». Але Гітлер, здаецца, застрэліўся
Экс-прэзідэнт Расіі напісаў у тэлеграм-канале новы кароткі допіс, у якім адрэагаваў на словы Зяленскага «Усе, хто там, у Крамлі — паверце, яны скончаць дрэнна».
Дзмітрый Мядзведзеў
«Стварэнне ў зялёным пажадала смерці ўсім у Крамлі. Прычым не ад сваіх рук. Хто як памрэ, нам невядома, бо шляхі Гасподнія невядомыя. Але ў наркамана ў Кіеве якраз ёсць шанец згінуць менавіта ад сваіх рук. Акачурыцца, здзейсніўшы баязлівае самагубства. Як Гітлер, наглытаўшыся сабачага яду», — напісаў палітык.
Лічыцца, што Гітлер забіў сябе 30 красавіка 1945 года, стрэліўшы з пісталета ў скронь. Хоць у савецкай гістарыяграфіі сцвярджалася, што ён прыняў цыянід. Атруцілася яго жонка Ева Браўн.
Прэзідэнт Украіны Уладзімір Зяленскі заявіў у інтэрв'ю Бі-бі-сі, што крамлёўскія кіраўнікі наўрад ці памруць сваёй смерцю. Вось што ён сказаў: «Хто там, у Крамлі, паверце, яны скончаць дрэнна. Не ведаю, шчыра кажучы, як, але хацелася б, каб хутчэй скончылася. Але яны дакладна сваёй смерцю не скончаць».
Чытайце таксама:
Мядзведзеў намякнуў, што падазраванага ў замаху на Прылепіна могуць забіць у турме
Мядзведзеў расказаў дзецям, што ў Расіі «не здрыганецца рука» ўжыць ядзерную зброю
Эксперт патлумачыў мэты радыкальных выказванняў Дзмітрыя Мядзведзева
