Беларус даў на мяжы хабар 10 еўра — і атрымаў штраф 6200 еўра
Інцыдэнт адбыўся днямі на беларуска-латвійскай мяжы.
Мужчына 24 красавіка на аўтамабілі заехаў на латвійскі мытна-кантрольны пункт «Сілене», дзе супрацоўнік мытнага-кантрольнага пункта пачаў агляд аўтамабіля, паведамляе rus.tvnet.lv.
У ходзе мытнага кантролю аўтамабіль было вырашана накіраваць у ангар для правядзення паглыбленага кантролю.
Кіроўца даў мытніку дзесяць еўра, каб той не праводзіў паглыблены кантроль.
Беларуса затрымалі, выпісалі штраф 6200 еўра. Ён цалкам пагадзіўся з аб'ёмам штрафу і прававой кваліфікацыяй крымінальнага правапарушэння, прызнаў сваю віну і раскаяўся ў зробленым.
Чытайце таксама:
На мяжы з Польшчай перахапілі буйны груз беларускіх цыгарэт, якія завозілі як кактэйльныя саломінкі
Кантрабандны тытунь спрабавалі пераправіць з Беларусі ў Літву беспілотнікам
Латвійскія памежнікі вылавілі ў Дзвіне кантрабандныя беларускія цыгарэты. 150 тысяч штук
