Суд у Маскве разгледзіць справу Сафіі Сапегі 24 мая
Прэсненскі суд Масквы 24 мая разгледзіць справу Федэральнай службы выканання пакаранняў аб перадачы Расіі асуджанай у Беларусі Сафіі Сапегі, паведамляе ТАСС.
Як чакаецца, рашэнне суда па гэтым пытанні будзе накіравана ў кампетэнтны орган Беларусі для прыняцця канчатковага рашэння адносна перадачы асуджанай.
Сафію Сапегу затрымалі разам з Раманам Пратасевічам 24 мая 2021 года ў выніку пасадкі ў Мінску самалёта Ryanair Афіны — Вільня. 6 мая 2022 года яе асудзілі да шасці гадоў калоніі. Суд прызнаў яе вінаватай у распальванні сацыяльнай варожасці, зліве даных сілавікоў (справа «Чорнай кнігі Беларусі»).
Чытайце таксама:
Сафія Сапега дала згоду на экстрадыцыю ў Расію
Сафіі Сапезе адмовілі ў памілаванні
Былая палітзняволеная расказала, як ціснуць на палітвязняў у гомельскай жаночай калоніі