Расіяне хочуць пераняць у Беларусі абавязковае размеркаванне для студэнтаў
У Дзярждуме РФ прапанавалі ўвесці працу па размеркаванні для выпускнікоў ВНУ. Законапраект быў апублікаваны на сайце дзяржоргана.
Фота: pixabay.com
Аўтары законапраекта прапануюць, каб усе, хто вучыцца бясплатна за кошт дзяржбюджэту, як мінімум тры гады адпрацавалі па размеркаванні. Былыя студэнты будуць працаваць па размеркаванні ў тых рэгіёнах, дзе ёсць кадравы дэфіцыт.
«Гэты законапраект дазволіць гарантавана забяспечыць маладых спецыялістаў працай на тэрмін не менш за тры гады па завяршэнні навучання, што ў сваю чаргу будзе спрыяць кадраваму забеспячэнню прадпрыемстваў абаронна-прамысловага комплексу і прыярытэтных галін эканомікі нашай краіны», — гаворыцца ў тлумачальнай запісцы да законапраекта.
У выпадку адмовы студэнт павінен пакрыць дзяржаве выдаткі на навучанне. Падобная сістэма існуе і ў Беларусі.
Чытайце таксама:
У Пінску маладым спецыялістам-праграмістам прапанавалі заробак 255 рублёў
Міністр адукацыі расказаў, ці будуць размяркоўваць платнікаў
