У Пінскім раёне на фермах засцілаюць дываны
Жывёлаводы філіяла «Невель» пры рамонце малочна-таварнай фермы «Завідчыцы» ў якасці эксперыменту абсталююць даільныя залы новым тэхналагічным пакрыццём.
Пакрыццё ўяўляе сабой суцэльны цэльнагумавы дыван, сыравінай для вырабу якога служаць здробненыя аўтамабільныя шыны, якія адслужылі свой тэрмін, паведамляе «Віртуальны Брэст».
Вытворчасць такога матэрыялу асвоеная на пінскім прадпрыемстве «Экапрадшына». Спецыялісты гэтага ж прадпрыемства правялі і ўстаноўку такога насцілу.
На думку дырэктара філіяла «Невель» Сяргея Шаламіцкага, новае пакрыццё прадухіляе слізганне і траўмаванне жывёлы, а добры гарантыйны тэрмін эксплуатацыі ў тры гады і пацвярджэнне заяўленых эксплуатацыйных якасцяў вызначаць неабходнасць далейшага ўкаранення эксперыментальнага пакрыцця на жывёлагадоўчых фермах гаспадаркі.
