На Херсоншчыне падарвалі аўто камандзіра ўзвода расійскай паліцыі
У акупаванай Новай Кахоўцы ўзарвалі ў аўто камандзіра ўзвода патрульна-паставой службы паліцыі РФ. Здарылася гэта яшчэ 17 сакавіка.
Падарваная машына камандзіра ўзвода ППС у Новай Кахоўцы. Скрыншот відэа
Паводле расійскага СК, хтосьці заклаў адмысловую прыладу пад левае крыло аўтамабіля ВАЗ-2121, які належаў камандзіру ўзвода. Пазней, калі мужчына са сваёй сям'ёй ехаў на машыне, здарыўся выбух.
Супрацоўнік паліцыі памёр на месцы, яго жонка (начальнік аддзела МУС) і дачка атрымалі цялесныя пашкоджанні.
Журналіст Андрэй Цапліенка паведаміў, што ў падарванай на Херсоншчыне машыне знаходзіўся калабарант Сяргей Маскаленка. Ён складаў для расіян спісы, у якія ўваходзілі ўкраінскія актывісты, паліцыянты, ветэраны. Пазней атрымаў пасаду.
Каментары
Каб пакінуць каментар, калі ласка, актывуйце JavaScript у наладах свайго браўзера
«Няма на яго артыкула — трэба прыдумаць і пасадзіць надоўга. Хай здохне там!» Як тры гады таму затрымалі Ціханоўскага і хто аддаваў загады
9
Каб скарыстацца календаром, калі ласка, актывуйце JavaScript у наладах свайго браўзера