Знайсці
06.03.2023 / 13:29РусŁacБел

Баскетбалістка Алена Леўчанка пераехала з Грэцыі і расказала пра новую працу

Адна з найлепшых баскетбалістак у беларускай гісторыі скончыла кар’еру ў лістападзе 2022 года. Чым яна займаецца цяпер?

Фота: інстаграм Алены Леўчанка

Закончыла кар’еру Алена ў Грэцыі. Леўчанка пераехала ў гэтую краіну ў канцы 2020 года, пасля таго, як адсядзела 15 сутак на Акрэсціна па абвінавачванні ва ўдзеле ў несанкцыянаваным масавым мерапрыемстве. У студзені 2021 года Алена падпісала кантракт з грэчаскім клубам «Панацінаікас» і выйграла з ім тытул чэмпіёнкі Грэцыі.

Потым у жыцці славутай спартсменкі была чарговая (сёмая) аперацыя ў яе кар’еры, шмат падарожжаў па Грэцыі і грамадская дзейнасць — беларуска ў тым ліку дапамагала грэкам збіраць ежу, лекі і адзенне для ўкраінцаў.

12 лістапада Алена апублікавала пост пра развітанне з прафесійным баскетболам, але не адразу распавяла, чым будзе займацца пасля заканчэння кар’еры. У канцы студзеня беларуска напісала ў сацсетках, што пакідае Грэцыю.

6 сакавіка Леўчанка паведаміла ў інстаграме, што яна пераехала ў Лос-Анджэлес, у ЗША і цяпер будзе працаваць у кампаніі Nike. Таксама беларуска распавяла, што за час у Штатах паспела ледзьве не трапіць у аварыю — як напісала Алена ў сацсетцы, «жыццё проста прамільгнула перад вачыма».

«Наша Нiва» — бастыён беларушчыны

ПАДТРЫМАЦЬ

Баскетбалістка Алена Леўчанка скончыла кар’еру. Вось якім быў яе шлях

Папоў: Наш вораг — не такі вялікі, гэта ўсё тыя ж 3%, і яно вылезе

«Вярнуся, калі рэжым зжарэ сябе». Гэтыя беларускія спартоўцы з’ехалі з краіны

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
252627282930