У Кіеве пройдзе Марш памяці загінулых за Украіну беларусаў
26 студзеня, у дзень нараджэння Героя Украіны беларуса Міхаіла Жызнеўскага, які загінуў у студзені 2014 года падчас Еўрамайдану, у Кіеве адбудзецца марш. Ён пройдзе ў памяць аб ім і аб 33 беларусах, пра якіх вядома, што яны загінулі з 2014 па 2022 год у барацьбе за Украіну.
З 17:00 да 17:40 на Міхайлаўскай плошчы адбудзецца збор удзельнікаў. Яны накіруюцца па наступным маршруце: Міхайлаўская плошча — Сафіеўская плошча — Тэатральная плошча — вуліца Хмяльніцкага — Хрышчацік — Еўрапейская плошча — народны мемарыял Жызнеўскаму па вуліцы Грушэўскага.
З 18:40 да 20:00 пройдзе ўшанаванне памяці загінулых ураджэнцаў Беларусі.
У выпадку паветранай трывогі ўсе ўдзельнікі будуць праведзеныя да найбліжэйшага прасторнага бамбасховішча — станцыі метро «Майдан Незалежнасці», паведамляюць арганізатары.