Стартавалі сумесныя беларуска-расійскія лётныя вучэнні
Сёння стартавалі сумесныя лётна-тактычныя вучэнні авіяцыйных падраздзяленняў Узброеных сіл Беларусі і Расіі, якія ўваходзяць у склад авіяцыйнага кампанента рэгіянальнай групоўкі войскаў, паведамляе Мінабароны Беларусі.
Ад расійскага боку ў мерапрыемстве прымае ўдзел воінскае фарміраванне Паветрана-касмічных сіл.
Галоўная мэта вучэнняў — павышэнне аператыўнай сумяшчальнасці пры сумесным выкананні вучэбна-баявых задач.
Паведамляецца, што ў ходзе вучэнняў плануецца адпрацаваць шырокі спектр пытанняў, уключаючы:
— вядзенне паветранай разведкі;
— сумеснае патруляванне паветранай прасторы ўздоўж дзяржаўнай мяжы;
— авіяцыйную падтрымку груповак войскаў;
— высадку тактычнага паветранага дэсанту;
— дастаўку грузаў і эвакуацыю параненых.
Для забеспячэння правядзення вучэнняў задзейнічаюць усе аэрадромы і палігоны ВПС і войскаў СПА Узброеных Сіл Рэспублікі Беларусь.
