Startavali sumiesnyja biełaruska-rasijskija lotnyja vučeńni
Siońnia startavali sumiesnyja lotna-taktyčnyja vučeńni avijacyjnych padraździaleńniaŭ Uzbrojenych sił Biełarusi i Rasii, jakija ŭvachodziać u skład avijacyjnaha kampanienta rehijanalnaj hrupoŭki vojskaŭ, paviedamlaje Minabarony Biełarusi.
Ad rasijskaha boku ŭ mierapryjemstvie prymaje ŭdzieł voinskaje farmiravańnie Pavietrana-kaśmičnych sił.
Hałoŭnaja meta vučeńniaŭ — pavyšeńnie apieratyŭnaj sumiaščalnaści pry sumiesnym vykanańni vučebna-bajavych zadač.
Paviedamlajecca, što ŭ chodzie vučeńniaŭ płanujecca adpracavać šyroki śpiektr pytańniaŭ, uklučajučy:
— viadzieńnie pavietranaj raźviedki;
— sumiesnaje patrulavańnie pavietranaj prastory ŭzdoŭž dziaržaŭnaj miažy;
— avijacyjnuju padtrymku hrupovak vojskaŭ;
— vysadku taktyčnaha pavietranaha desantu;
— dastaŭku hruzaŭ i evakuacyju paranienych.
Dla zabieśpiačeńnia praviadzieńnia vučeńniaŭ zadziejničajuć usie aeradromy i palihony VPS i vojskaŭ SPA Uzbrojenych Sił Respubliki Biełaruś.
