Збой у працы касавага абсталявання плануюць ліквідаваць на працягу сённяшняга дня
Збой у рабоце касавага абсталявання, які ўзнік 2 студзеня ў некаторых сетках крам, плануюць ліквідаваць на працягу 3 студзеня. Такую інфармацыю агучыў сёння на нарадзе ў Гомельскім аблвыканкаме намеснік старшыні аблвыканкама Андрэй Канюшка, перадае БелТА.
Андрэй Канюшка нагадаў: пачынаючы з апоўдня 2 студзеня ў пэўных сетках па ўсёй краіне назіраецца збой у касавым абсталяванні, праграмнае забеспячэнне якога абслугоўвае кампанія «Тусон». «Збой закрануў фіскальнага рэгістратара, у выніку немагчыма адкрыць змену», — удакладніў намеснік старшыні аблвыканкама.
Складанасці адчулі ў шэрагу сетак. У іх ліку — «Востраў чысціні і смаку», «Ома», «Еўраопт», «Дабраном», а таксама «Беларуснафта».
«Праблема па ўсёй краіне. Чакаецца, што на працягу сённяшняга дня (3 студзеня) яна павінна быць вырашана», — удакладніў Андрэй Канюшка.
