У Бранскай вобласці Расіі заявілі пра абстрэл вайсковай часці
Губернатар Бранскай вобласці Расіі Аляксандр Багамаз заявіў пра абстрэл вёскі Займішча пад Клінцамі. У гэтым паселішчы размяшчаецца вялікая ваенная часць.
«Сёння адбыўся абстрэл тэрыторыі вёскі Займішча гарадской акругі Клінцы. Пашкоджана некалькі жылых дамоў. Па папярэдняй інфармацыі, параненыя чатыры чалавекі. Ім аказваецца ўсебаковая медыцынская дапамога».
Губернатар паведаміў, што на месцы працуюць аператыўныя службы.
Тэлеграм-канал «Осторожно, новости» са спасылкай на мясцовых жыхароў паведамляе, што ў горадзе Клінцы — «выбух і пажар, а ў небе лётаюць верталёты», у горадзе няма святла і вады.
Клінцы знаходзяцца за 50 кіламетраў ад мяжы з Украінай.
18
1
1
1
1
1
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера