Італьянская паліцыя: у галасаванне на «Еўрабачанні» ўмешваліся расійскія хакеры
Улады Італіі прадухілілі кібератакі на «Еўрабачанні», піша Reuters са спасылкай на італьянскую паліцыю. Да нападаў датычныя прарасійская групоўка Killnet і яе падраздзяленне Legion, упэўненыя італьянскія праваахоўнікі.
Kalush Orchestra пазіруе з пераможнай статуэткай «Еўрабачання». Фота: AP Photo/Luca Bruno.
Напады на сеткавую інфраструктуру адбыліся падчас паўфіналу 10 траўня і фіналу конкурсу ў ноч з 14 на 15 траўня. Аднак іх удалося прадухіліць. Менавіта ў паўфінале 10 траўня і выступала Украіна.
Таксама ў ноч правядзення песеннага конкурсу ў тэлеграм-канале Killnet з’явілася паведамленне, якое абражала ўкраінскі гурт Kalush Orchestra.
11 траўня кібератацы падвергнуліся сайты Міністэрства абароны, Сената і іншых ведамстваў Італіі, адказнасць за ўзломы ўзяла на сябе Killnet.
14 мая ўкраінскі гурт Kalush Orchestra перамог на «Еўрабачанні-2022» у італьянскім Турыне. Па выніках галасавання журы яны былі толькі 4-я, але атрымалі рэкордныя ў гісторыі конкурсу 439 балаў з 468 магчымых ад гледачоў.
Украіна перамагла на «Еўрабачанні», дзякуючы рэкорднай падтрымцы тэлегледачоў
