Жазэп Барэль: Патрэбныя новыя меры супраць Беларусі
Кіраўнік дыпламатыі ЕС Жазэп Барэль заявіў у панядзелак, што выступае за дадатковыя абмежавальныя меры супраць Беларусі, аднак у той жа час папярэдзіў, што для гэтага неабходная згода ўсіх краін Еўрасаюза.
«Вядома, патрэбныя дадатковыя меры. Аднак давайце паглядзім, што вырашаць краіны ЕС», — сказаў ён журналістам у Люксембургу, адказваючы на пытанне аб тым, ці лічыць ён патрэбным уводзіць новыя меры супраць Беларусі і «Белавія».
Барэль нагадаў, што выпрацоўка адзінай пазіцыі ў ЕС — не заўсёды простая задача.
«Напрыклад, у выпадку з Эфіопіяй я лічу, што трэба прыняць нашмат больш мер, аднак краіны ЕС не могуць дамовіцца аб тым, каб пайсці на рашучыя крокі. І гэта прытым, што ў Эфіопіі — найгоршая ва ўсім свеце гуманітарная сітуацыя», — адзначыў ён.
