Прэм'ера Канады закідалі жвірам пасля мітынгу
Інцыдэнт адбыўся, калі Джасцін Трудо накіроўваўся да аўтобуса пасля мітынгу. Прэм'ер паведаміў, што жвір трапіў у яго, але сам ён пачуваецца нармальна.
Інцыдэнт адбыўся пасля мітынгу, які праходзіў на сталеліцейным заводзе. На ім прэм'ер, які ўзначальвае Ліберальную партыю Канады, распавёў аб сваёй праграме да выбараў у парламент.
Як адзначае CTV News, сярод тых, хто закідваў Трудо жвірам, было шмат грамадзян з сімволікай Народнай партыі Канады — кансерватыўнага руху, які выступае супраць абавязковай вакцынацыі насельніцтва.
Пасля свайго выступу Трудо заявіў, што яго палітыку не будуць вызначаць патрабаванні так званых «праціўнікаў вакцынацыі».
«Так, у краіне ёсць невялікая частка маргіналаў, якая ўзлаваная, якая не верыць у навуку і робіць расісцкія і мізагінныя нападкі», — сказаў прэм'ер-міністр.
