Расійскія СМІ паведамлялі пра тое, што Агурбаш даставілі ў аддзел паліцыі ў Маскве
Спявачку Анжаліку Агурбаш даставілі ў адзін з аддзелаў маскоўскай паліцыі. Артыстку, абвешчаную ў вышук у Беларусі, апытваюць праваахоўнікі.
Нагадаем, у дачыненні да Агурбаш у Беларусі распачалі крымінальную справу, ёй пагражае да 15 гадоў калоніі. Спявачку, у якой ёсць расійскі пашпарт, абвінавачваюць у распальванні варожасці і абразах у адрас Лукашэнкі.
У верасні 2020 года спявачку затрымалі каля беларускай амбасады ў цэнтры Масквы, дзе сабраліся нязгодныя з вынікамі выбараў.
У Анжалікі расійскае грамадзянства, таму яе могуць дапытаць, але, па расійскім заканадаўстве, у Беларусь яе ніхто не выдасць.
Дапоўнена: Інфармацыя ад расійскага выдання пра затрыманне Агурбаш не пацвердзілася. Яе памочніца абвергла навіну, паведаміла, што Анжаліка зараз знаходзіцца на свецкім мерапрыемстве.
