Канфлікт у Ізраілі стымулюе ахвяраванні біткойнаў ХАМАСу
Узброенай палесцінскай групоўцы апошні час ахвяруюць біткойны, транзакцыі якіх абыходзяць міжнародныя санкцыі.
З пачатку ўзброенага канфлікту ў Ізраілі ХАМАС пачаў атрымліваць больш крыптавалюты ў выглядзе ахвяраванняў для фінансавання сваіх ваенных аперацый, піша The Wall Street Journal.
ЗША і ЕС вызначаюць ХАМАС, які кантралюе Сектар Газа, як тэрарыстычную арганізацыю. Міжнародныя санкцыі вымусілі ХАМАС некалькі гадоў таму шукаць метады фінансавання па-за межамі міжнароднай банкаўскай сістэмы. Крыптавалюты выгадныя ХАМАС яшчэ і тым, што транзакцыі могуць заставацца ананімнымі, і іх амаль не адсочваюць.
Прадстаўнік ХАМАС адмовіўся паведаміць, колькі менавіта крыптавалют атрымала арганізацыя, але адзначыў, што іх доля ў агульным бюджэце групоўкі расце.
ЗША сцвярджаюць, што прыхільнікі ХАМАС за апошнія гады перавялі сотні мільярдаў даляраў у арганізацыю.
Ваенныя сутыкненні, якія свет назіраў у мінулым месяцы, з’яўляюцца для ХАМАС каталізатарам для ахвяраванняў. Тэрарыстычныя арганізацыі традыцыйна выкарыстоўваюць у такі час заклікі, каб стымуляваць збор сродкаў.
У перыяд з 10 да 20 мая, калі адбыліся сутыкненні паміж ХАМАС і Ізраілем, на вэб-сайце alqassam.ps назіралася значнае павелічэнне трафіку, што сведчыць пра доўгую прысутнасць наведвальнікаў на сайце. Аlqassam.ps прапаноўвае навіны, інфармацыю пра групоўку і яе дзейнасць, а таксама парады, як правесці транзакцыі ананімна.
