Бердымухамедаў заснаваў медаль «Туркменскі смелы алабай года»
Прэзідэнт Туркменістана Гурбангулы Бердымухамедаў падпісаў прынятыя парламентам законапраекты аб стварэнні ганаровых званняў «Заслужаны сабакавод» і «Народны сабакавод».
Скрыншот відэа
Дэпутаты звязалі ўвядзенне званняў з намаганнямі прэзідэнта «па захаванні і папулярызацыі нацыянальнай гісторыка-культурнай спадчыны», піша lenta.ru.
Бердымухамедаў асабіста разгледзеў прапанаваныя эмблемы для ганаровых сабакагадоўцаў і медаль «Туркменскі смелы алабай года» для пераможцы запланаванага конкурсу прыгажосці для сабак пароды алабай (сярэднеазіяцкай аўчаркі). Медаль таксама заснаваны паводле рашэння прэзідэнта.
Раней пісалася, што ў Туркменістане заснавалі свята алабая, якое будзе адзначацца кожную апошнюю нядзелю красавіка разам з нацыянальным святам ахалтэкінскага каня.
10 лістапада ў Ашхабадзе быў адкрыты гіганцкі помнік алабаю. Залаты манумент усталяваны на пастаменце, акружаным відэаэкранам. Падчас цырымоніі адкрыцця на экране дэманстраваліся ролікі з удзелам сабак гэтай пароды.
Прэзідэнт Туркменістана адкрыў залаты 15-метровы помнік алабаю
