Падалі дакументы на ўдзел у выбарах Гайдукевіч і запамінальны пенсіянер з Гомеля Уладзімір Няпомняшчых
Уладзімір Няпомняшчых
Дакументы на рэгістрацыю ініцыятыўных груп падалі дэпутат, лідар ЛДПБ Алег Гайдукевіч і пенсіянер з Гомеля, актывіст АГП Уладзімір Няпомняшчых.
Уладзімір Няпомняшчых вядомы сваімі запамінальнымі акцыямі, ён рэзка крытыкуе Лукашэнку, заклікаў да яго імпічменту.
Такім чынам падалі дакументы, апроч Гайдукевіча і Няпомняшчых, ужо 14 чалавек: суровы турыст з Маладзечна Віталь Зялкоўскі, блогер Сяргей Ціханоўскі, фермер Юрый Ганцэвіч, Аляксандр Лукашэнка, а таксама восем кандыдатаў ад Статкевіча.
Апошні дзень падачы заяўкі заўтра, ЦВК павінна вынесці свой прысуд цягам пяці дзён. Збор подпісаў пачынаецца 21 мая. Выбары — 9 жніўня.
Анансавалі свой удзел у выбарах Ганна Канапацкая, экс-кіраўнік ПВТ Валерый Цапкала і банкір Віктар Бабарыка. Але дакументаў яны яшчэ не падавалі.
