Всеволод Стебурако. У маёй ДНК — ген зямлі. Стихотворение

У маёй ДНК — ген зямлі —
жвір драбнюткі з палеткаў радзімы,
бы ў Місімы гарачы пясок Івадзімы,
як бялюткі вапняк каталонскі ў Далі.

І не выдзьмуць яго, не змыць
ні вятрам, ні халодным залевам.
Іх вялікасцям каралевам
у каштоўны дарунак не збыць.

І хаця ён за пер'е лягчэй
ды трымае мацней катвігі
човен мой, што ідзе то на родныя крыгі,
то на зоры чужыны, што свецяць ярчэй.

Ген зямлі лучыць з ёю ў адно —
лес і лёс — гэта ўжо незваротна
прыжыццёва і пасмяротна
неба гэта і гэтае дно.

Nashaniva.com

Хочешь поделиться важной информацией
анонимно и конфиденциально? Пиши в наш Телеграм

13

0

0

0

0

0