Prajekt eŭrapiejskaj kanstytucyi
4 kastryčnika pačałasia zaviaršalnaja faza pracy nad prajektam eŭrapiejskaj kanstytucyi. Plan ambitny: asnoŭny zakon Eŭropy maje być pryniaty ŭ peryjad italjanskaha staršynstva na śniežańskim samicie ŭ Bruseli. Tamu kožny z udzielnikaŭ debataŭ musić užo ciapier jasna akreślić svaju pazycyju, pryjarytety j miežy kampramisaŭ.
U minuły aŭtorak heta zrabiŭ polski ŭrad. Jon miarkuje, što eŭrapiejski Kanvent zrabiŭ šmat i što nad prajektam možna pracavać dalej. Nivodzin z 25 suaŭtaraŭ prajektu nia vykinuŭ eŭrapiejskaj kanstytucyi na śmietnik. Heta pradrakaje paśpiachovaje zaviaršeńnie, ale šlach da jaho budzie niaprosty.
Na siońnia ŭžo možna zaŭvažyć vyraznyja razychodžańni j sprečnyja momanty. Francyja j Niamieččyna naciskajuć, kab chutčej zaviaršyć pracu. Jany raźličvajuć, što papravak da prajektu nia budzie. A tych, chto prapanuje papraŭki, adrazu vinavaciać ledź nie ŭ sabatažy supolnych dziejańniaŭ.
Adnak niadaŭnija praskija kansultacyi bolš jak dziasiatka małych i siarednich dziaržavaŭ pakazali, što takija naciski nie dapamohuć Francyi ź Niamieččynaj. U kanstytucyi jość niekalki nadzvyčaj važnych punktaŭ, dyskusija pa jakich niesumnienna ŭznovicca.
Poŭny varyjant artykuła hladzicie ŭ haziecie "Naša Niva".
