Łaryn sustrełasia z žonkaj Bialackaha: «Vaša zmahańnie spraviadlivaje»
Pieramožca «Jeŭrabačańnia» taksama padpisałasia pad pietycyjaj u admienu śmiarotnaha pakarańnia.
Šviedskaja śpiavačka Łaryn, pieramožca sioletniaha Jeŭrabačańnia, paśla svajho vystupu ŭ Viciebsku na «Słavianskim bazary» sustrełasia z žonkaj palitviaźnia Alesia Bialackaha Natallaj Pinčuk, namieśnikam staršyni «Viasny» Valancinam Stefanovičam i niezaležnymi biełaruskimi žurnalistami.
Jana vykazała słovy padtrymki Alesiu Bialackamu i inšym biełaruskim palitźniavolenym, padpisałasia pad pietycyjaj ab zabaronie śmiarotnaha pakarańnia ŭ Biełarusi.
Šviedskaja zorka
Jana padrabiazna cikaviłasia ŭmovami ŭtrymańnia Bialackaha ŭ turmie, kolkaściu biełaruskich palitviaźniaŭ, stanam zachavańnia pravoŭ čałavieka, svabodaj vykazvańniaŭ u Biełarusi, letašnimi «maŭklivymi pratestami».
U Natalli Pinčuk jana padrabiazna raspytvała pra spravu Bialackaha i žyćcio siamji paśla aryštu, zachaplałasia mužnaściu Alesia i Natalli. Natalla Pinčuk raspaviadała joj:
«Užo chutka, praz 20 dzion, budzie hod, jak Aleś u źniavoleńni. Hety hod byŭ ciažki. Zaraz jon u Babrujskaj kałonii, jamu stvoranyja davoli ciažkija
Vysłuchaŭšy Natallu, Łaryn nazvała jaje «vielmi mocnaj žančynaj»:
«Ja razumieju, čamu Aleś vas kachaje… Ja vielmi spadziajusia, što ŭsio naładzicca, što jaho jak najchutčej vypuściać, žadaju hetaha ad ščyraha serca. Vielmi škada, što takaja cudoŭnaja siamja razłučanaja, syn u adnym miescy, maci ŭ druhim, a baćka ŭ turmie. Ale vaša zmahańnie spraviadlivaje».
Łaryn raspaviała, što jana šmat daviedałasia pra Biełaruś ad šviedskaj pravaabaroncaŭ, a taksama ad svaich fanaŭ, jakija pisali joj pra Biełaruś u sacyjalnych sietkach:
«Ja była ščaślivaja daviedacca, što jość tak šmat ludziej, jakija chočuć dapamahčy, jakija mohuć dapamahčy. Im tolki patrebnaja infarmacyja pra toje, što adbyvajecca ŭ Biełarusi, i pra toje, jakim čynam jany mohuć paspryjać joj»
Łaryn raspaviała, što ŭ jaje nie było strachu pierad pryjezdam u Biełaruś.Jana sama rodam z Maroka, bačyła biednaść, karupcyju, parušeńnie pravoŭ čałavieka, roznyja mahčymaści dla mužčyn i žančyn. Atrymaŭšy zaprašeńnie vystupić u Viciebsku na «Słavianskim bazary», Łaryn usio ž doŭha dumała, ci jechać u krainu, dzie parušajucca pravy čałavieka. Ale vybar zrabiła na karyść amataraŭ jaje tvorčaści:
«Tut jość ludzi, jakim padabajecca maja muzyka. Kali b ja nie pryjechała, heta było b niepavahaj da ich.Tamu ja i pryjechała vystupić z hetaj sceny, kab padzialicca tym, što maju. A
Łaryn z achvotaj padpisałasia pad pietycyjaj z zaklikam skasavać śmiarotnaje pakarańnie ŭ Biełarusi. Jana sardečna abniała Natallu Pinčuk, vykazała šmat ciopłych pažadańniaŭ biełarusam, i pierš za ŭsio — svabody.
