Statut vierniecca ŭ Biełaruś? Ludzi sabrali 22 miljony za 3 dni
Adhuknulisia sponsary i navat Nacbank, ale sprava jašče nie skončana.
Niekalki dzion spatrebiłasia biełarusam, kab sabrać pieršyja srodki na nacyjanalnuju relikviju. Ciapier jość nadzieja, što Statut, vystaŭleny na elektronny aŭkcyjon u Maskvie, vierniecca na baćkaŭščynu. Heta budzie pieršy aryhinał Statuta na starabiełaruskaj movie ŭ zborach našaj krainy.
«Za try dni, sieradu, čaćvier i piatnicu, na rachunak nadyšło kala 22 miljonaŭ rubloŭ, — raskazvaje dyrektar mahiloŭskaha histaryčnaha muzieja Alaksiej Baciukoŭ. — Hałoŭnaje, znajšoŭsia pryvatny sponsar, jaki prapanavaŭ padaryć sumu, nieabchodnuju dla vypłaty zastavy (10% ad ahulnaha koštu). Svaju dapamohu nam prapanoŭvaŭ i Nacbank, ź im viaducca razmovy».
Tym nie mienš, kančatkovaj sumy pakul nie naźbirałasia, tamu Alaksiej Baciukoŭ zaklikaje ŭsich ludziej praciahvać pieraličvać hrošy.
Samy ščodry dabradziej paprasiŭ, kab jahonaje imia nie razhałošvali, udakładniŭ dyrektar.
Muziej historyi Mahilova abviaściŭ dabračynnuju akcyju pa zbory srodkaŭ dla vykupu Statuta Vialikaha kniastva Litoŭskaha 1588 hoda.
Statut byŭ vystaŭleny na prodaž na elektronnym aŭkcyjonie ŭładalnikam antykvarnaj kramy ŭ Maskvie. Dadzieny asobnik acenieny na $45 tys.Pry hetym častku hrošaj (10%), pavodle papiaredniaj damoŭlenaści z pradaŭcom, nieabchodna sabrać ciaham dvuch tydniaŭ u jakaści zastavy. Reštu sumy tre budzie pieraličyć ciaham troch miesiacaŭ.
Va ŭsim śviecie naličvajecca kala 60 asobnikaŭ usich troch vydańniaŭ Statuta, ź ich 29 adnosiacca da vydańnia 1594–1595 hadoŭ. Znachodžańnie hetych asobnikaŭ: Vialikabrytanija (1), Litva (6), Polšča (6), Rasija (11), Ukraina (5), a ŭ Biełarusi niama nivodnaha. Jak pryvatnymi asobami, tak i dziaržaŭnymi instytutami krainy ŭžo rabilisia sproby vykupić asobniki Statuta, adnak biespaśpiachova. .
Statut VKŁ — najvyšejšaje dasiahnieńnie starabiełaruskaj pravavoj dumki, asnova ŭsioj jurydyčnaj sistemy VKŁ.Pa sutnaści, heta była siaredniaviečnaja Kanstytucyja, jakaja dziejničała na ŭsich ziemlach sučasnaj Biełarusi i była adnoj z samych prahresiŭnych u Jeŭropie. Statut paŭpłyvaŭ na stanaŭleńnie nacyjanalnaj pravavoj dumki, a taksama na jurydyčnyja tradycyi susiednich krain — Rasii, Polščy, Estonii, Łatvii i inš. Mahčyma, mienavita dziakujučy jamu biełarusy adroźnivajucca vialikaj pavahaj da prava.
Statut 1588 hoda raspracavany padkancleram VKŁ i starastam mahiloŭskim Lvom Sapieham i byŭ vydadzieny za jaho asabistyja srodki ŭ drukarni, zasnavanaj u Vilni Piatrom Mścisłaŭcam na hrošy mahiloŭskich kupcoŭ Mamoničaŭ.U ciapierašni čas viadoma pra try vydańni Statuta — 1588, 1592–1593 i
* * *
Pieraličyć hrošy na hetuju dobruju spravu možna na rachunak muzieja
UK «Muziej historyi Mahilova» 212030 Mahiloŭ, vuł.Leninskaja, 1A
rachunak:
UNP 790203960
Filija 700 MAU AAT «ASB Biełarusbank» MFO 153801536
r/r 3642014673147
Mahiloŭ, vuł. Pieršamajskaja, 71
Meta płaciaža: Na raźvićcio muziejnaj spravy i achovu historyka-kulturnaj spadčyny (dla kupli Statuta VKŁ)
! Buchhałteryja muzieja prosić dakładna i całkam paznačać metu płaciaža.
