Mitsubishi spynić vytvorčaść aŭtamabilaŭ u Jeŭropie z 2013 hoda
Adzin ź viadučych japonskich aŭtavytvorcaŭ Mitsubishi Motors całkam spynić vytvorčaść svaich mašyn u Jeŭropie z 2013 hoda ŭ ramkach realizacyi stratehii pa pieraaryjentacyi na rynki krain, jakija raźvivajucca,
paviedamlaje ŭ paniadziełak ahienctva Frans Pres sa spasyłkaj na japonskija ŚMI.
U ramkach hetych płanaŭ japonski aŭtavytvorca płanuje pradać svoj zavod, raźmieščany ŭ niderłandskim horadzie Born, jaki kirujecca filijałam Mitsubishi Motors, kampanijaj Nedcar. Pavodle infarmacyi japonskich ŚMI, karparacyja papiarednie praviadzie pieramovy z prafsajuzami i ŭradam Niderłandaŭ adnosna prodažu hetaha pradpryjemstva.
Jak paviedamlaje Frans Pres, na hetym zavodzie źbirajuć mašyny marki Mitsubishi Colt i Mitsubishi Outlander. U ciapierašni čas na pradpryjemstvie pracuje kala 1,5 tysiačy čałaviek. Pa dadzienych ahienctva abjom pradukcyi zavoda ŭ Bornie zastavaŭsia adčuvalna nižejšym za maksimalnuju pradukcyjnaść u 200 tysiač aŭtamabilaŭ za hod.
Kali infarmacyja ab spynieńni vypusku mašyn Mitsubishi Motors u Jeŭropie paćvierdzicca, hetaja kampanija stanie pieršym z bujnych japonskich vytvorcaŭ, jaki pierastanie vypuskać mašyny ŭ krainach Staroha śvietu.