«Mazyrsol» pradavać nie płanujuć

AAT «Mazyrsol» nie pradajecca, zajaviŭ staršynia kancerna «Biełdziaržcharčpram» Ivan Dančanka 27 studzienia na pres-kanfierencyi ŭ Minsku.

Pavodle jaho słoŭ, pradpryjemstva budzie raźvivacca i madernizavacca tolki za košt srodkaŭ Biełarusi, ułasnych srodkaŭ, fondu inavacyjnaha raźvićcia «Biełdziaržcharčprama» i kredytnych linij. Płanujecca, što da 2014–2015 hadoŭ mahutnaści mazyrskaha AAT vyrastuć na 120 tysiač ton zdabyčy soli ŭ hod. Siońnia jany składajuć 360–380 tysiač ton. 85% vyrablenaj pradukcyi idzie na ekspart, asnoŭny rynak zbytu — Rasijskaja Fiederacyja, paviedamiŭ Dančanka.

Jon adznačyŭ, što mienavita rasijskija kampanii vykazvajuć cikavaść da kupli «Mazyrsoli». I mienavita «z takim niezdarovym intaresam» Dančanka źviazvaje niadaŭni aryšt hiendyrektara hetaha pradpryjemstva.

Jak raniej paviedamlałasia, 54-hadovy hiendyrektar AAT «Mazyrsol» byŭ zatrymany 4 studzienia hetaha hoda supracoŭnikami ŭpraŭleńnia KDB pa Homielskaj vobłaści. Pavodle źviestak pres-hrupy UKDB, zatrymańnie adbyłosia ŭ pracoŭnym kabiniecie dyrektara ŭ momant atrymańnia im niezakonnaha hrašovaha ŭznaharodžańnia. Kiraŭniku pradpryjemstva vystaŭlena abvinavačańnie ŭ atrymańni chabaru ŭ asabliva bujnym pamiery za spryjalnaje vyrašeńnie pytańniaŭ, jakija ŭvachodzili ŭ jaho kampietencyju. U dačynieńni da zatrymanaha raspačata sprava na padstavie č. 3 art. 430 KK (atrymańnie chabaru), jamu pahražaje da 15 hadoŭ pazbaŭleńnia voli z kanfiskacyjaj majomaści. Hiendyrektar znachodzicca ŭ śledčym izalatary KDB.

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0