Jakija aŭtamabili možna ličyć biezhaspadarnymi, a jakija kinutymi?
Z 1 studzienia 2012 ustupić u siłu Pałažeńnie ab paradku ŭtylizacyi nieekspłutavanych transpartnych srodkaŭ, pryznanych biezhaspadarnymi.Adpaviednaje rašeńnie źmiaščajecca ŭ pastanovie Saŭmina ad 27 vieraśnia 2011 № 1294.
«Ciapier vostra staić prablema niedachopu parkavalnych miescaŭ. I adnoj z pryčyn słužać kinutyja nievykarystoŭvanyja aŭto. Invientaryzacyja pakazała, što tolki ŭ Maskoŭskim rajonie vyjaŭlena 430 takich adzinak», — skazaŭ načalnik upraŭleńnia žyllovaj haspadarki Ministerstva
Pavodle jaho słovaŭ, kab aŭtamabil atrymaŭ status nieekspłutavanaha transpartnaha srodku i padlahaŭ utylizacyi, jon pavinien nie ekspłuatavacca bolš za 6 miesiacaŭ z dnia zakančeńnia terminu dziejańnia techahladu. Heta budzie vyśviatlacca pa numarnym znaku pry dapamozie DAI. Taksama adnym z hałoŭnych faktaraŭ budzie słužyć adsutnaść elemientaŭ, praduhledžanych kanstrukcyjaj dadzienaha transpartnaha srodku. Heta pabitaje škło, adsutnaść šyn, defarmacyja i inš.
Paśla vyśviatleńnia hetych faktaraŭ uładalniku nakiroŭvajecca paviedamleńnie ab nieabchodnaści za 30 kalandarnych dzion pieramiaścić transpartny srodak abo źniać jaho z uliku. U vypadku nievykanańnia hetych patrabavańniaŭ, aŭtamabil budzie pieramieščany i ŭtylizavany dziaržavaj, ale vydatki, źviazanyja z hetym, usio roŭna lahuć na ŭładalnika.
Dla hetaha składajecca akt stanu aŭtamabila, kopiju aktu vysyłajuć uładalniku, paśla čaho aŭtamabil evakujujuć na adpaviednuju placoŭku. Kali ciaham troch miesiacaŭ ułaśnik nie zajaŭlaje ab jaho viartańni, aŭtamabil pryznajecca biezhaspadarnym i padlahaje ŭtylizacyi. Kali ž ŭłaśnik abjaŭlajecca, to vydatki pa transpartavańni i zachoŭvańni aŭtamabila ŭsio roŭna daviadziecca pakryć.
«Heta vialikaja prablema, ale jana budzie vyrašanaja ŭ 2012 hodzie. Bo akramia biezhaspadarnych mašyn jość i niepatrebnyja aŭtamabili, jakija parkujuć u dvarach na zimu. Hetyja „hurby“ zaminajuć inšym aŭtaamataram i abciažarvajuć ruch», — skazaŭ Edmund Hryškievič.
