Na patrabavańnie KDB «Naša Niva» vydaliła z sajta videa scen paśla teraktu
Supracoŭniki śpiecsłužb pryjšli, kab u ramkach kryminalnaj spravy, zaviedzienaj pa fakcie padziej u mietro, vyniać (h.zn. skapijavać) u NN fota- i videamateryjały, jakija tyčacca ŭčarašnich padziej.
Čatyry supracoŭniki KDB źjavilisia ŭ Redakcyi «Našaj Nivy» prykładna, a 10.00, 12 krasavika, u supravadžeńni dvuch milicyjantaŭ i dvuch paniatych.
U Redakcyi i ŭ hety čas znachodzilisia 9 supracoŭnikaŭ.
Adzin z kadebistaŭ paviedamiŭ, što ŭ KDB «jość pytańni» da materyjałaŭ, źmieščanych u NN.
Supracoŭniki śpiecsłužb pryjšli, kab u ramkach kryminalnaj spravy, zaviedzienaj pa fakcie padziej u mietro, vyniać (h.zn. skapijavać) fota- i videamateryjały, jakija tyčacca ŭčarašnich padziej.
Taksama na ich zapatrabavańnie z sajta było vydalenaje videa, zroblenaje ŭčora kala mietro «Kastryčnickaja» apieratarami NN.
Redakcyjnyja kampjutary nie zabrali.
Usiaho supracoŭniki KDB znachodzilisia ŭ Redakcyi «Našaj Nivy» kala hadziny.
Z hałoŭnaha redaktara «Našaj Nivy» Andreja Skurko ŭziataja padpiska pra nierazhałošvańnie źmiestu hutarki.
Supracoŭniki KDB pavodzili siabie karektna.
- * *
Sajt pracavaŭ u režymie pierahruzki praz nadzvyčajnuju kolkaść naviedvańniaŭ.
Praź vialikuju kolkaść klikaŭ sajt NN vymušany pracavać u tekstavaj viersii.
