Minski knižny krimaš naviedali 50 tys. čałaviek
XVIII Minskuju mižnarodnuju knižnuju vystavu-kirmaš, jakaja pracavała z 9 pa 13 lutaha, naviedali bolš za 50 tysiač čałaviek. Pra heta paviedamiŭ žurnalistam na zakryćci vystavy namieśnik ministra infarmacyi Biełarusi Ihar Łapcionak.
Pavodle jaho mierkavańnia, vystava prajšła paśpiachova. Sioleta jaje ŭdzielnikami byli 605 ekspanientaŭ z 23 krain śvietu. Hanarovym hościem ciapierašniaj vystavy stała Hiermanija. Čakajecca, što na nastupnaj vystavie status hanarovaha hościa budzie ŭ Vieniesueły.
Arhkamitetam uručana 26 dypłomaŭ pieršaj stupieni (za aktyŭny i doŭhaterminovy ŭdzieł u Minskaj mižnarodnaj knižnaj vystavie-kirmašy), kala 50 — druhoj (za samuju cikavuju tematyčnuju ekspazicyju) i prykładna 100 dypłomaŭ — treciaj stupieni (za aktyŭny ŭdzieł).
U liku ŭdzielnikaŭ, jakija atrymali dypłomy za samuju cikavuju tematyčnuju ekspazicyju, — vydaviectva Biełaruskaha ekzarchatu i Biełaruski Dom druku.
Dypłomami za aktyŭny ŭdzieł adznačanyja ŭ tym liku pasolstvy Armienii, Italii, Kuby, Słavakii, ZŠA, Šviecyi.
Kančatkovyja vyniki XVIII Minskaj mižnarodnaj knižnaj vystavy-kirmašu arhkamitet padviadzie 14 lutaha, paviedamiŭ namieśnik ministra.
