Antytatalitarnaja drama «Vaŭki» — u šyrokim prakacie
U šyroki prakat narešcie vyjšła ajčynnaja drama «Vaŭki». Biełaruskaja premjera adbyłasia ŭletku ŭ Breście padčas uračystaha adkryćcia VII fiestyvalu biełaruskich kinastužak. Ciapier u Minsku možna pabačyć «Vaŭkoŭ» u kinateatry «Bieraście». 14 kastryčnika (čaćvier). Pačatak a 19. 17 kastryčnika (niadziela). Pačatak a 15.
«Vaŭki» — psichałahičnaja drama, dzieja jakoj adbyvajecca ŭ paślavajenny čas. Siužet: zimoj z ešałona z asablivymi źniavolenymi źbiahaje Kirył Palatajeŭ. U rodnaj vioscy nie ŭsie hatovyja pryniać uciekača — na jaho ładziać sapraŭdnaje palavańnie. Uciokšy ŭ les, vyratavany ad ludziej-vaŭkoŭ hieroj natykajecca na zhraju sapraŭdnych vaŭkoŭ.
U filmie źnialisia Andrej Panin, Dźmitryj Uljanaŭ, Uładzimir Haściuchin. Režysior Alaksandr Kołbyšaŭ, viadomy pa roli rasijca Štyrkina ŭ «Misteryjach. Akupacyi». «Vaŭki» — antytatalitarnaja trahiedyja. Film pastaŭleny pavodle adnajmiennaj apovieści Alaksandra Čakmianiova, napisanaj u 1963 h. Za jaje piśmieńnika ciahali ŭ KDB.
