Siońnia adkryvajecca Vieniecyjanski kinafest
Natali Portman, Kviencin Tarancina, Tom Tykvier, Bien Aflek...
Psichałahičny tryler «Čorny lebiedź» z Natali Portman u hałoŭnaj roli adkryje 1 vieraśnia 67-y Vienecyjanski kinafest. Žury sioletniaha fiestyvalu ŭznačalić Kviencin Tarancina, a dapamoža jamu, razam z režysiorami Arno Deplešenam i Habryjele Salvatoresam, litoŭska-rasijskaja aktorka Inhieborha Dapkunajte.
Akramia «Čornaha lebiedzia», — tam Portman vyjaviła balerynu, jakaja zmahajecca z kankurentami i z samoj saboj, siarod zorak festu aŭtar «Biažy, Łoła, biažy» i «Internejšenała» režysior Tom Tykvier. Na konkurs jon pryvioz mieładramu pra bierlincaŭ «Troje». Rasija prezientavanaja na fiestyvali stužkaj «Aŭsianki» aŭtarstva Alaksieja Fiadorčanki, jaki ŭžo maje «Załatoha lva» za psieŭdakumientalnuju dramu «Pieršyja na Miesiacy». Svaju novuju stužku rasijanin akreśliŭ jak «eratyčnaja drama».
Najbolšuju kolkaść stužak vystavili ZŠA: «Dzieści» aŭtarki Safii Kopała («Maryja Antuaneta»), «Abiacańni, napisanyja na vadzie» Vinsenta Hało, «Daroha ŭ nikudy» Monte Chiełmana. Pa adnamu filmu pryvieźli čylijskija kiniematahrafisty (drama pra pieravarot 1976 h. u Čyli «Post Mortem» Pabła Łarajna), i japonskija — samurajski bajavik «13 zabojcaŭ» Takašy Miikie.
Hałoŭnych premijaŭ hety razam budzie nie try, jak było, a čatyry — dadałosia naminacyja ekśpierymientalnaha kino. Pa-za miežami spabornictva pakažuć razrekłamavany ramantyčnaja drama z elemientami trymcieńnika Bena Afleka «Horad», dzie jon hraje poruč z Džonam Hemam i Džeremi Renieram.
kinapapapiarednik (trejler) da stužki «Horad»
U prahramie festu retraśpiektyvy Vitoryjo Hasmana i Brusa Li. Pryz za ŭniosak u kinamastactva daduć režysioru Džonu Vu («Biez abličča», «Misija niemahčymaja-2»). Fest zakryjecca premjeraj šekśpiraŭskaj «Bury» ŭ adaptacyi Džulii Tejmar. Stužka prymierkavanaja da 400-hodździa napisańnia hetaj kamiedyi. U joj čaraŭnik Praśpiera zrabiŭsia čaraŭnicaj Praśpieraj (hetuju rolu vykonvaje Chelen Miren («Karaleva»)).
Vieniecyjanski kinafestyval — adzin z samych prestyžnych kinafestaŭ śvietu. Mienavita jon adkryŭ takija imiony, jak Kviencin Tarancina i Takiešy Kitana, a taksama paznajomiŭ zachodni śviet ź iranskim kiniematohrafam.
