«Vaŭkoŭ» Kołbyšava ŭbačać va Ukrainie
Biełaruskaja karcina «Vaŭki» Alaksandra Kołbyšava zajaŭlena ŭ konkursnaj prahramie XIII Biardzianskaha mižnarodnaha kinafiestyvalu.
Biełaruskaja karcina «Vaŭki» Alaksandra Kołbyšava zajaŭlena ŭ konkursnaj prahramie XIII Biardzianskaha mižnarodnaha kinafiestyvalu.
Mastacki film «Vaŭki» budzie asprečvać palmu pieršynstva z trynaccaci karcinami-kankurentami z adzinaccaci krain.
Prahrama festu aficyjna startavała 7 žniŭnia. Učora adbylisia pieršyja pakazy. Biełaruski film, uładalnik hran-pry VII Fiestyvalu biełaruskich filmaŭ, prafiesijnaje žury na čale z narodnym artystam Ukrainy Michasiom Hałubovičam acenić 10 žniŭnia. A vyniki festu sudziejskaja kalehija padviadzie 13 žniŭnia.
Za hałoŭnuju ŭznaharodu festu «Załaty vietraź» buduć zmahacca 14 karcin u naminacyjach: lepšy ihravy film, lepšaja režysura, lepšaja hałoŭnaja mužčynskaja rola, lepšaja hałoŭnaja žanočaja rola, lepšaja apieratarskaja praca, lepšaja muzyka, lepšaja praca mastaka, lepšy scenar.
U Biardziansku ŭbačać jašče adnu novuju pracu biełaruskich kiniematahrafistaŭ. Heta kamiedyja Alaksandra Kananoviča «Dastyš fantastyš». Karcina budzie pradstaŭlena ŭ pazakonkursnym pakazie. Akramia konkursnych i pazakonkursnych pakazaŭ u prahramie kinafiestyvalu prachodziać šmatlikija mierapryjemstvy: teatralnyja pastanoŭki, majstar-kłasy, hała-kancerty, promaakcyi i viktaryny.
Biardzianski mižnarodny kinafiestyval — adzin z samych viadomych kinaforumaŭ Ukrainy.
