Biełarusy na «Novaj chvali-2010» u Jurmale pakul tolki čaćviortyja
Jany sastupajuć vykanaŭcam z Ukrainy, Izraila i Armienii.
Jany sastupajuć vykanaŭcam z Ukrainy, Izraila i Armienii.
Pradstaŭniki Biełarusi na «Novaj chvali-2010» — hurt Litesound i italjanski śpiavak Jakopa Masa — pa vynikach pieršaha konkursnaha dnia znachodziacca na čaćviortaj pazicyi.
Vykanaŭšy suśvietny chit «Amazed» Džejmsa Dunkana, maładyja ludzi ahułam nabrali 91 bał. Čaćviortaje miesca Litesound dzielać z braziljankaj Habryełaj i estoncam Uku Suviści, jakija nabrali stolki ž bałaŭ. Napierad Litesound prapuściŭ pradstaŭnicu Ukrainy Taćcianu Šyrko (96 bałaŭ), Chiłu Ben David ź Izraila (95), a taksama armianku Sonu Šachhieldzian (93). Siarod udzielnikaŭ, jakija ŭ pieršy konkursny dzień dasiahnuli ścipłych vynikaŭ, — hurt «Śpiavajučyja majtki» z Ukrainy, a taksama rasijski kalektyŭ «Murakami».
Siońnia pryniasie sapiernikam ź siemnaccaci krain novaje tvorčaje vyprabavańnie: na sud žury jany pradstaviać chit svajoj krainy. Ale mienavita siońnia Litesound i pradziusier Valeryj Hałaŭko čakajuć samyja vysokija bały. Biełaruskaja kamanda zaśpiavaje «Mamu» (aŭtar — Valeryj Hałaŭko). Pieršymi jaje vykanaŭcami byli Valeryj Dajnieka i «Kamierata», paźniej «Mamu» śpiavali Natalla Padolskaja i Piotra Jałfimaŭ. A ŭ interpretacyi amierykanskaha śpievaka Kodzi Lijonsa hetaja pieśnia ŭvajšła na CD-albom «America», vydadzieny ŭ 2007 hodzie (25 lepšych u ZŠA piesień za 2006 hod).
