Znajści
Ałharytmičny łacinski varyjant
19.07.2010 / 11:3112RusŁacBieł

Piakielnaje «Basovišča»

21-y fiestyval u Haradku zapomnicca biaźlitasnym soncam. I da kryŭdnaha mała było hledačoŭ ź Biełarusi.

21-y fiestyval u Haradku zapomnicca biaźlitasnym soncam. I da kryŭdnaha mała było hledačoŭ ź Biełarusi.

Złaja ironija losu – abiacajučy biez adzinaj kropli daždžu piakielny skvar na ŭsie dni sioletniaha «Basovišča», sinoptyki hetym razam nie pamylilisia. Sonca pačynała smažyć ad siomaj ranicy. A ŭžo praz kolki hadzin znachodzicca na adkrytaj prastory rabiłasia paprostu niebiaśpiečna. Karotkuju palohku prynosili adna-dźvie hadziny pierad śvitankam, a potym piekła znoŭ viartałasia na ziamlu.

Jak u Čyli

Anamalnaja śpioka ahaliła niekalki istotnych pralikaŭ u arhanizacyi fiestyvalu. Hetym razam namiotavaje miastečka raźbili na placoŭcy byłoha vajskovaha haradka, dzie nie toje što drevaŭ, anivodnaha kusta niama. Ad haračyni miastečka ad ranicy i da poźniaha viečara niby vymirała. «Abharadzili, jak stadyjon u Čyli za Pinačetam. Tolki za hety «kancłahier» jašče i płacić treba», – sumna žartavali žychary miastečka. U fiestyvalnaj kramie pradavali kašulki z doŭhimi rukavami, zatoje nie było tam kiepak i panamaŭ z bandanami. Hości festu ratavalisia ad śpioki na voziery, u lesie i kala piŭnych łatkoŭ. Byli i aptymisty, jakija radavalisia redkaj mahčymaści źmianić ofisny zahar na sapraŭdny.

Da chibaŭ arhanizacyi, nie źviazanych sa stychijaj, śmieła možna adnieści biazdarnych viadoŭcaŭ. Skłałasia ŭražańnie, što lider Znicha Aleś Tabolič i repier Krou prosta bližej za astatnich apynulisia kala mikrafona. Chłopcy błytalisia ŭ nazvach polskich hurtoŭ, šmat i niaŭciamna pramaŭlali sa sceny. Vierdykt vieteranaŭ «Basovišča» – treba viartać Pamidorava abo Šałkieviča.

Našych było mała

Pieršaje, što kinułasia ŭ vočy na 21-m «Basoviščy», da kryŭdnaha małaja kolkaść hledačoŭ ź Biełarusi. Pryjechali tyja, chto mieŭ vizu dy nie raźličvaŭ na łasku arhanizataraŭ. Na feście nieadnojčy davodziłasia čuć razmovy pra toje, što palaki nie dali biaspłatnych vizaŭ, kab biełarusy nie pajechali na durnicu na Hrunvald. Arhanizatary ž patłumačyli situacyju novymi praviłami vydačy dakumientaŭ. U apošni momant jany zdoleli aformić vizy dla muzykaŭ. Tym nie mienš, biełarusy byli hetymi dniami ŭ Haradku. Niekatoryja pryjechali za tysiaču kiłamietraŭ z Rasii, kab na svaje vočy pabačyć lehiendarny fest.

Siarod ščaślivych uładalnikaŭ vizaŭ byli aktyvisty hramadzianskaj kampanii «Havary praŭdu», jakija razharnuli na «Basoviščy» svoj namiot. Na fest jany pryvieźli majki z łahatypam kampanii i nadpisam «Basovišča-2010». Ich možna było atrymać biaspłatna, nabyŭšy majku z aficyjnym łahatypam fiestyvalu. Varta pryznać, taki pijar-krok atrymaŭsia dosyć udałym: majki «HP» raźmiali za hadzinu.

Pieramožnaja reinkarnacyja «Hlukaŭ» i hańba Open Space

Sioletniaje «Basovišča» ładziłasia pad devizam «Musica Libertad». Upieršyniu Haradok naviedaŭ hurt «Lapis Trubiackoj», jaki staŭ chedłajnieram festu. U jakaści zorak i haściej na hałoŭnym kancercie vystupali «Troica», «Hurzuf», «Adys Abieba», Litvintroll, Re1ikt, Zatoczka dy polskija Rima i Lipali. Rima adčyniła fest razam z hrupaj dziaciej pieśniaj «Ja naradziŭsia tut».

U 2010 hodzie na feście adradziłasia konkursnaja prahrama. Udzielniki konkursu mieli zadańnie napisać pieśniu na słovy Łarysy Hienijuš. Ź piaci hurtoŭ-kankursantaŭ mahiloŭcy Akute, byłyja «Hluki», spravilisia z hetaj zadačaj najlepš, što i było adznačana žury.

A voś minčuki z Open Space, što vystupali ŭ ramkach volnaj sceny, zhańbilisia durnavatymi žartami ź biełaruskaj dy polskaj movy. Pry hetym vakalist hurtu demanstravaŭ surjoznyja prykmiety «zornaj» chvaroby.

«Paradačny bardak na miažy»

U adnym ź intervju arhanizatary vykazvali lohkuju zakłapočanaść z nahody pryjezdu na fest hurtu «Lapis Trubieckoj». Maŭlaŭ, viedajem, jakija pierfomansy jany vyrablajuć na scenie. Michałok taksama za słovam u kišeniu nie palez: pahadziŭsia vystupić, ale pry hetym acharaktaryzavaŭ «Basovišča», jak taki «paradačny bardak na miažy».

Ale daremna pieražyvali arhanizatary – kancert «Lapisaŭ» prajšoŭ na «ŭra». Muzyki nie stamlalisia kazać «dziakuj», źviartalisia da hledačoŭ «pavažanaje spadarstva» dy vykanali ŭsie svaje biełaruskamoŭnyja chity. «Belarus Freedom» mahła b stać himnam sioletniaha fiestyvalu.

Panazirać za Michałkom i K pryjšli ŭdzielniki «Trojcy», što vystupali nastupnymi. Ivan Kirčuk vyhladaŭ zakłapočanym. Jahonyja tryvohi byli niedaremnymi. Paśla zvyšemacyjnaha setu «Lapisaŭ» z varjackimi skokami kala sceny publicy spatrebiłasia dosyć času, kab naładzicca na miedytatyŭnuju chvalu etna-trya. Ale i «Troica» ŭziała svajo, niahledziačy na chiby z hukam. Prychilniki hurtu, jakija nie trapili ŭ Polšču, mohuć pabačyć trya ŭ Hrodnie 22 lipienia. Hurt vystupić na scenie lalečnaha teatru a 19-aj.

Padsumoŭvajučy, možna skazać, što fest u Haradku udaŭsia. Jon vytrymaŭ ekśpierymienty arhanizataraŭ, śpioku i nievialikuju źmienu muzyčnaha farmatu. Mahčyma niechta aburycca takim słovam, ale padajecca, što adsutnaść na sioletnim «Basoviščy» «Kramy», «Pałacu» dy «N.R.M.» nie stała katastrofaj. :B:N i «Hurzuf», Rima i Lipali, «Lapis Trubieckoj» i «Troica» dy inšyja hodna hladzielisia na scenie 21-ha «Basovišča».

Siamion Piečanko, fota Aleś Pilecki

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031