Rekłamny rolik «Masakry»
Źjaviŭsia rekłamny rolik «Masakry» — hatyčnaha filmu žachaŭ Andreja Kudzinienki. Na ekranie «źviarynaja lutaść», «žarść da šalenstva», miadźviežaja raźnia ŭ staražytnym pałacy — i aŭtarskaja ironija...
Na sajcie «Biełaruśfilmu» źjaviŭsia rekłamny rolik «Masakry» — hatyčnaha filmu žachaŭ, premjera jakoha maje adbycca sioleta.
«Masakra» — film pavodle matyvaŭ naveły Praspera Meryme «Łokis». Ale dziejańnie stužki pieraniesienaje ŭ Biełaruś paśla paŭstańnia Kastusia Kalinoŭskaha. Rasiejski avanturnik pryjaždžaje ŭ siadzibu hrafa Pazurkieviča zrabić ahlad hrafskaj biblijateki. Nasamreč, małady čałaviek, vialiki amatar Puškina — tolki vydaje siabie za navukoŭca dyj zalacajecca da hrafskaj niaviesty. Ale heta samaje biaźvinnaje pieraviertnictva ŭ karcinie. Nad rodam hrafa panuje staražytny praklon — i ŭsie hości stanuć achviarami kryvavaj masakry.
Alaksandr Kačan, scenaryst «Akupacyi» prydumaŭ siužet karciny, a režysioram vystupiŭ apalny Andrej Kudzinienka, admysłova zaprošany na kinastudyju. Žanr karciny Kudzinienka akreślivaje jak «bulba-chorar», heta kali i strašna, i śmiešna.
Rekłamny rolik demanstruje «źviarynuju lutaść», «žarść da šalenstva», miadźviežuju raźniu ŭ staražytnym pałacy — i aŭtarskuju daścipnaść.
Zdymki stužki prachodzili naprykancy 2009 hodu, premjera čakajecca letam.