Kožny druhi vučebny aŭtamabil u Biełarusi maje parušeńni
U Biełarusi ŭ kožnaha druhoha vučebnaha aŭtamabila ŭ chodzie niadaŭniaj pravierki, jakuju pravodzili UP «Biełtechahlad» i DAI, vyjaŭleny samyja roznyja parušeńni. Pra heta paviedamiła pres‑sakratar «Biełtechahlada» Alena Prakapienia.
Usiaho było pravierana bolš za 4,3 tys. transpartnych srodkaŭ. Pry hetym było ŭstanoŭlena, što bolš za 670 ź ich nie prajšli dziaržtechahlad svoječasova.
Pa ŭsich parušeńniach supracoŭnikami DAI i transpartnaj inśpiekcyi składzieny administracyjnyja pratakoły. U cełym pravierka pakazała, što davoli časta na vučebnych transpartnych srodkach adsutničajuć adpaviednyja apaznavalnyja znaki. Taksama niaredka pakazańni śpidomietra nie adpaviadajuć darožnamu listu i zvodnaj viedamaści ŭliku faktyčnaha raschodu paliva. Parušajecca i raskład zaniatkaŭ.
U suviazi z tym, što mnohija prablemy aŭtaškoł zastajucca pakul niavyrašanymi, UP «Biełtechahlad» źbirajecca ŭzmacnić kantrol jakaści praviadzieńnia praktyčnaha navučańnia vadžeńniu ŭ hetych arhanizacyjach. U pryvatnaści, viasnoj 2010 hoda buduć praviedzieny novyja maštabnyja pravierki.
