Orban zapościŭ FOTA ź Zialenskim
Premjer Vienhryi pryjechaŭ siońnia ranicaj u Kijevie ŭpieršyniu za 12 hadoŭ.
Viktar Orban apublikavaŭ u svaim instahramie fatahrafiju z Uładzimiram Zialenskim u Kijevie.
Orban źviazaŭ svoj vizit va Ukrainu sa staršynstvam Vienhryi ŭ Radzie ES. Jano pačałosia 1 lipienia i praciahniecca paŭhoda
Ahienctva Reuters pieradała pieršyja zajavy Viktara Orbana. U liku inšaha vienhierski lidar zaklikaŭ prezidenta Ukrainy Uładzimira Zialenskaha padumać ab spynieńni ahniu, jakoje, pavodle jaho słoŭ, dapamoža paskoryć pieramovy z Rasijaj.
Što jašče skazaŭ Orban:
— Jon vykazaŭ spadziavańnie, što Ukraina i Vienhryja zaklučać šyrokaje dvuchbakovaje pahadnieńnie ab supracoŭnictvie.
— Orban zajaviŭ, što Vienhryja chacieła b značna palepšyć svaje adnosiny z Ukrainaj i pakinuć u minułym roznahałośsi pamiž dźviuma krainami.
— Premjer-ministr Vienhryi skazaŭ, što jaho kraina hatova pryniać udzieł u madernizacyi ŭkrainskaj ekanomiki.
— Pa słovach Orbana, jość dobryja šancy vyrašyć pytańnie vienhierskaj mienšaści va Ukrainie.
— Orban taksama pryvitaŭ prapanovu Zialenskaha adkryć u Vienhryi ŭkrainskuju škołu.
Čytajcie taksama:
Orban prybyŭ u Kijeŭ i paabiacaŭ «pieršyja kroki da miru» ŭžo padčas vizitu
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)