Orban prybyŭ u Kijeŭ i paabiacaŭ «pieršyja kroki da miru» ŭžo padčas vizitu
Premjer-ministr Vienhryi Viktar Orban upieršyniu z pačatku poŭnamaštabnaj vajny prybyŭ u Kijeŭ. Napiaredadni jon anansavaŭ «pieršyja kroki» dla sadziejničańnia miru va Ukrainie, piša «Jeŭrapiejskaja praŭda».
Viktar Orban prybyŭ u Kijeŭ ranicaj 2 lipienia. Fota: ermaka2022 / Telegram
Viktar Orban prybyŭ u Kijeŭ ranicaj 2 lipienia. Kartež vienhierskaha premjera sa šmatlikich aŭto prybyŭ da pasolstva Vienhryi.
U jaho zapłanavany sustrečy z prezidentam Uładzimiram Zialenskim i inšymi top-čynoŭnikami. Pradstaŭnik vienhierskaha ŭrada paćvierdziŭ, što najvažniejšaj temaj dyskusii stanie mahčymaść stvareńnia miru.
U paniadziełak viečaram Viktar Orban daŭ intervju M1, u jakim raskazaŭ pra staršynstva Vienhryi ŭ Saviecie ES i pra toje, jakich met Budapiešt płanuje dasiahnuć u bližejšyja paŭhoda.
Orbana spytali, što moža zrabić Vienhryja padčas svajho staršynstva, kab spynić vajnu va Ukrainie. Na heta jon adkazaŭ, što pieršyja kroki dla sadziejničańnia miru buduć zrobleny ŭ aŭtorak.
«Kali vy pahladzicie zaŭtrašniuju presu, vy ŭžo ŭbačycie pieršyja kroki», — skazaŭ kiraŭnik vienhierskaha ŭrada.
Čytajcie taksama:
Vienhryja stała staršynioj Jeŭrasajuza
Jeŭrasajuz prydumaŭ, jak abyści vienhierskaje vieta na pieradaču dachodaŭ ad aktyvaŭ Rasii Ukrainie
Vienhryja nie budzie błakavać dapamohu NATA Kijevu, ale sama nie budzie dapamahać
Partyja Viktara Orbana na vybarach u Jeŭraparłamient pakazała najhoršy vynik za 20 hadoŭ
