Partyja Viktara Orbana na vybarach u Jeŭraparłamient pakazała najhoršy vynik za 20 hadoŭ
Partyja Viktara Orbana na vybarach u Jeŭraparłamient u Vienhryi nabrała 44,6% hałasoŭ. Lidar antyorbanaŭskaj partyi Pieter Madziar nazvaŭ vyniki vybaraŭ «kancom epochi» i «Vaterłoa» dla kirujučaj partyi.
Partyja «Fides» nabirała mienš za 50% na vybarach tolki adnojčy — na vybarach u Jeŭraparłamient u 2004 hodzie, praz usiaho hod paśla taho, jak Vienhryja ŭstupiła ŭ ES. Tady partyja Viktara Orbana atrymała 47,4% hałasoŭ, piša «Mieduza».
Premjer-ministr Vienhryi Viktar Orban źviartajecca da ŚMI paśla atrymańnia vynikaŭ vybaraŭ u Jeŭrapiejski parłamient u Budapiešcie, 10 červienia 2024 h. Fota: AP Photo / Denes Erdos
Sam Orban nazvaŭ vyniki vybaraŭ «pieramohaj».
Premjer-ministr Vienhryi, jaki vystupaje za supracoŭnictva z Rasijaj, zajaviŭ, što «ŭrad budzie zmahacca z padvojenaj siłaj, kab utrymać krainu ad vajny». «Urad adpravić Bruselu nastupny sihnał: stop mihracyi, stop hienderam, stop vajnie, stop Sorasu, stop Bruselu», — cytuje jaho vienhierskaje vydańnie Portfolio.
Partyja hałoŭnaha kankurenta Orbana, byłoha člena «Fides» Pietera Madziara «Pavaha i svaboda» («Tisza») tym časam atrymała 30% hałasoŭ.
Hety vynik — značna vyšejšy za čakany. Akramia taho, «Tisza» pakazała najmacniejšy vynik dla apazicyjnaj partyi ŭ Vienhryi za apošnija 14 hadoŭ.
Adznačajecca, što amal treć usich hałasoŭ vienhraŭ partyja zarabiła ŭsiaho za niekalki miesiacaŭ.
Vyniki vybaraŭ u Jeŭraparłamient Pieter Madziar nazvaŭ «kancom epochi» i «Vaterłoa» dla kirujučaj partyi.
«Ciapier my aficyjna źjaŭlajemsia najbujniejšaj apazicyjnaj partyjaj», — pryvodzić jaho słovy Portfolio.
Čytajcie taksama:
U Vienhryi rezka nabrała papularnaść antyorbanaŭskaja partyja, jakuju stvaryŭ małady palityk
Jak źmienicca śviet, kali Tramp stanie prezidentam? Razvažaje Epłbaŭm
Budapiešt nie budzie padtrymlivać sankcyi ES, jakija mohuć naškodzić adnosinam ź Minskam
1. Zahałovah klikbejtny i siensacyjny, ale toj "pravał" - heta niedasiahalnaja pieramoha naprykład dla niamieckich sacyjałdemakrataŭ dy i faktyčna pieramoha sama pa sabie.
2. Stolki roznych krynic, tak što sumna hladzieć, što zamiest narmalnych krynic u biełaruskich ŚMI rasiejskaja Mieduza, jakaja nie skryvaje svajho levaha nakirunku, raniej šukała "nacystaŭ" siarod ukrainskich nacyjanalistaŭ, a pierad "vybarami" u Biełarusi "raptoŭna" napisała pra sumniennaj jakaści (krytyka dastupnaja ŭ Internecie) knihu Rudlinha pra biełaruski nacyjanalizm. Tuju samuju, jakoj zachaplajucca łukašenkaŭcy.
3. Pieter Madziar taksama chadek, tak što amataram sacyjał-demakrataŭ niama čaho radavacca.
Apošni čas niešta časta nie prapuskajucca niekatoryja kamientary.