Ministarka kultury Narviehii pakazała ŭ teleefiry aholenyja hrudzi
Ministarka kultury i hiendarnaj roŭnaści Narviehii Lubna Jafiery vystupiła na zdymkach tok-šou Skeiv Preik u Osła i tam zrabiła skandalny ŭčynak, paviedamiła NRK (Narviežskaja viaščalnaja karparacyja).
Skrynšot ź videa
Lubna Jafiery viadomaja svaimi pryjaznymi adnosinami ź ludźmi nietradycyjnaj seksualnaj aryjentacyi, i jaje ŭčynak byŭ taksama z hetym źviazanym. Joj navat uručali śpiecyjalnuju ŭznaharodu.
Padčas prezientacyi jana ŭ peŭny momant zadrała błuzku i pad apładysmienty publiki prademanstravała hrudzi.
«Jak ministarka kultury i roŭnaści, a ciapier i vysokaja apiakunka kviraŭ, ja zaniepakojenaja tym kab kviry adčuvali siabie ŭ biaśpiecy i volna, heta byŭ nievialiki ŭniosak», — skazała čynoŭnica.
Lubna Jafiery na «paradzie roŭnaści» ŭ narviežskim horadzie Bierhien. Fota: Paul S. Amundsen / NTB
Niepasrednaje kiraŭnictva ministarki pastaviłasia da hetaha jaje ŭčynku spakojna. Premjer-ministr krainy Jonas Har Ściore nie bačyć u hetym ničoha kiepskaha:
«Lubna — upeŭnieny ŭ sabie, svabodny i cudoŭny čałaviek, jaki z radaściu prysutničaje na kulturnych mierapryjemstvach pa ŭsioj krainie. Učora jana taksama była ŭ Osła, i ja dumaju, heta narmalna».
Čytajcie taksama:
U Varšavie zatrymali šaściarych biełarusaŭ, jakija pratestavali suprać ŁHBT-parada
Zabojca naviedvalnikaŭ ŁHBT-kłuba ŭ Kałarada atrymaŭ 55 pažyćciovych i jašče 190 hadoŭ
U Hruzii kiroŭnaja partyja ŭniesła ŭ parłamient pakiet zakonaŭ suprać ŁHBT
U Rasii prapanavali praviarać seksualnuju aryjentacyju čynoŭnikaŭ
