Šry-Łanka zapytała ŭ Rasii kampiensacyju za zabitych na vajnie va Ukrainie najomnikaŭ
Pytańnie ab vypłatach siemjam zabitych i paranienych uzdymałasia na pieramovach u Maskvie padčas vizitu delehacyi Šry-Łanki na čale ź dziaržministram zamiežnych spraŭ Tarakam Bałasuryjaj, piša Rasijskaja słužba Radyjo Svaboda.
Łankijcy, što vajavali na baku Rasii. Fota: The Diplomat
Pradstaŭniki Šry-Łanki sustrelisia z namieśnikam kiraŭnika MZS Rasii Andrejem Rudenkam i namieśnikam ministra abarony Alaksandram Faminym. Na pieramovach išła razmova ab vypłacie kampiensacyj siemjam 17 zahinułych i paranienych na vajnie, daterminovym skasavańni kantraktaŭ zavierbavanych i vypłacie ŭznaharodžańniaŭ. Kolkaść paranienych u paviedamleńni łankijskaha MZS nie pryvodzicca.
Usiaho, pavodle źviestak ŚMI, u rasijska-ŭkrainskaj vajnie z abodvuch bakoŭ udzielničajuć nie mienš za dźvie tysiačy łankijcaŭ.
MZS Rasii nakont padrabiaznaściaŭ sustrečy nie infarmavała.
Raniej MZS Šry-Łanki paviedamlaŭ, što na vajnu mnohich łankijcaŭ vierbavali padmanam. Rasijski bok, jak śćviardžajecca, abiacaŭ najmitam vysokija zarobki, pracu ŭ tyle i hramadzianstva.
Razam z tym u kancy minułaha hoda łankijskija ŭłady spynili ŭ krainie pracu ahienctva, jakoje vierbavała hramadzian dla ŭdziełu ŭ bajavych dziejańniach na baku Ukrainy.
Čytajcie taksama:
Rasija viarbuje ŭ svajo vojska maładych afrykancaŭ — Bloomberg
U Rasii raskazali, jak vyrašajuć prablemu ź mihrantami — ich adpraŭlajuć na vajnu va Ukrainu
