Rasija viarbuje ŭ svajo vojska maładych afrykancaŭ — Bloomberg
Rasijskija ŭłady viarbujuć zamiežnych studentaŭ, u tym liku z krain Afryki, dla ŭdziełu ŭ vajnie suprać Ukrainy. Heta śćviardžajecca ŭ materyjale ahienctva Bloomberg sa spasyłkaj na aficyjnych asob jeŭrapiejskich krain, piša «Radyjo Svaboda».
Prarasijskaja demanstracyja ŭ Burkina-Faso
Imiony svaich krynic vydańnie nie nazyvaje. Pa ich śćviardžeńniach, rasijanami byli zavierbavanyja «tysiačy» studentaŭ i mihrantaŭ z trecich krain.
Jak śćviardžajecca ŭ artykule, rasijskija ŭłady pahražajuć studentam niepraciahvańniem vizaŭ, kali jany nie pahodziacca padpisać kantrakt z rasijskim Minabarony. Toje ž datyčyć i afrykancaŭ — uładalnikaŭ pracoŭnych viz.
Jak śćviardžajuć krynicy vydańnia, u vyniku maładym inšaziemcam davodzicca rabić vybar pamiž vymušanym adjezdam z Rasii i farmalna dobraachvotnym ustupleńniem u vojska. Niekatorym, adnak, udajecca zastacca ŭ Rasti i nie adpraŭlacca ŭ vojska, padkupiŭšy čynoŭnikaŭ, śćviardžajuć surazmoŭcy Bloomberg.
Ahienctva spasyłajecca na danyja ŭkrainskaj raźviedki, pavodle jakich Rasija razharnuła taksama masiŭnuju kampaniju pa nabory najmitaŭ za miažoj — nie mienš čym u 21 adnoj krainie, uklučajučy niekalki krain Afryki. Viarboŭščyki nacelenyja na patencyjnych mihrantaŭ i studentaŭ, jakija raniej šukali pracu ŭ Rasii.
Raniej paviedamlałasia pra viarboŭku afrykancaŭ, jakija adbyvali pakarańnie ŭ rasijskich kałonijach, u PVK «Vahnier». Bloomberg nahadvaje taksama pra sotni hramadzian Niepała, jakija byli zavierbavanyja ŭ rasijskaje vojska.
Ukrainskija surazmoŭcy ahienctva paćviardžajuć, što siarod rasijskich vajskoŭcaŭ, jakija traplajuć u pałon, usio čaściej sustrakajucca afrykancy i niepalcy. Rasijskija pravajennyja telehram-kanały taksama niaredka publikujuć videa z zamiežnikami, jakija vajujuć u šerahach rasijskaj armii, z kamientarami pra toje, što žychary mnohich krain śvietu padtrymlivajuć Rasiju ŭ vajnie.
Spasyłajučysia na kiraŭnika Rassupracoŭnictva Jaŭhiena Prymakova, Bloomberg adznačaje, što ŭ Rasii ciapier kala 35 tysiač studentaŭ z Afryki. Kolki ź ich udałosia zavierbavać, nie havorycca. Kamientaroŭ rasijskich aficyjnych asob u artykule niama, u im taksama nie pryvodziacca pramyja śviedčańni samich zavierbavanych afrykancaŭ.
Čytajcie taksama:
Siarhiej Łaŭroŭ staŭ kavaleram ordena Žarabca
PVK «Vahnier» viarbuje žycharoŭ Biełarusi dla adpraŭki ŭ Afryku
