Siarhiej Łaŭroŭ staŭ kavaleram ordena Žarabca
Prezident pierachodnaha pieryjadu Burkina-Faso Ibrahim Traare ŭručyŭ rasijskamu ministru zamiežnych spraŭ Siarhieju Łaŭrovu vyšejšuju dziaržaŭnuju ŭznaharodu krainy — orden Žarabca, paviedamlaje MZS Rasii.
Fota: MZS Rasii
Hetaja ŭznaharoda była zasnavanaja ŭładami Burkina-Faso ŭ 1993 hodzie. Jaje mohuć atrymać vajskovyja ci cyvilnyja asoby za «asablivyja zasłuhi» pierad hetaj krainaj.
Siarhiej Łaŭroŭ prybyŭ u Burkina-Faso 4 červienia. Heta pieršy vizit rasijskaha ministra ŭ hetuju krainu. Łaŭroŭ anansavaŭ dadatkovyja pastaŭki zbroi dla Burkina-Faso, nazvaŭšy vajskovaje partniorstva z afrykanskaj dziaržavaj «vielmi i vielmi kankretnym i mocna prasunutym».
Hetaje partniorstva stała mahčymym paśla dvuch dziaržaŭnych vajskovych pieravarotaŭ u Burkina-Faso ŭ 2022 hodzie, da jakich, jak niaredka ciapier adbyvajecca i ŭ inšych krainach rehijonu, prykłała ruku aktyŭnaja tut rasijskaja PVK «Vahnier».
Da hetaha Łaŭroŭ u ramkach vizitu ŭ Afryku naviedaŭ Hvinieju i Respubliku Konha. Taksama jon płanuje naviedać Čad.
Čytajcie taksama:
PVK «Vahnier» viarbuje žycharoŭ Biełarusi dla adpraŭki ŭ Afryku
Što ruchaje pieravarotami ŭ Zachodniaj Afrycy?
Makron abviaściŭ pra zakančeńnie epochi «francuzskaj Afryki»
