Hrošy na madernizacyju «Hrodna Azota» daść Rasija
Hiendyrektar AAT «Hrodna Azot» Ihar Lašenka i pieršy namieśnik staršyni praŭleńnia banka BiełVEB padpisali dakumient ab finansavańni madernizacyi pradpryjemstva, paviedamili ŭ banku.
«Hrodna Azot». Fota: delo.by
Adnak ža BiełVEB budzie finansavać madernizacyju nie sa svaich hrošaj:
«Finansavańnie ažyćciaŭlaje [rasijskaja dziaržkarparacyja] VEB.RF. Bank «BiełVEB» vykonvaje funkcyi banka-ahienta: adpaviednaje pahadnieńnie było padpisanaje padčas XI Forumu rehijonaŭ Biełarusi i Rasii», — rastłumačyli ŭ hetaj ustanovie.
Limit kredytnaj linii — 4,3 miljarda rasijskich rubloŭ (kala 158 miljonaŭ u biełaruskich), a termin kredytavańnia — 11 hadoŭ.
«Dakumientam taksama praduhledžanaja mahčymaść vykarystańnia subsidyi ź biudžetu Rasijskaj Fiederacyi dla zabieśpiačeńnia lhotnaj pracentnaj staŭki», — adznačyli ŭ BiełVEB.
U ciapierašniaj madernizacyi havorka idzie jak pra abnaŭleńnie dziejnych vytvorčaściaŭ, tak i pra stvareńnie novych. Realizacyju prajekta vykanaje rasijskaja kampanija.
Čytajcie taksama:
Sim-karty tolki ad MTS i nijakaha mabilnaha internetu. Na «Hrodna Azocie» zabaraniajuć smartfony
«Na pradpryjemstvie panika». «Kibierpartyzany» zajavili pra novuju ataku na «Hrodna Azot»
«Učora byŭ šuchier». Što adbyvajecca na «Hrodna Azocie» paśla ataki «Kibierpartyzanaŭ»
Sud Jeŭrasajuza adchiliŭ pazoŭ «Hrodna Azota» adnosna sankcyj
