Sud Jeŭrasajuza adchiliŭ pazoŭ «Hrodna Azota» adnosna sankcyj

Fota: azot.by

Sud ES pastanaviŭ, što Rada ES mieła racyju ŭ svaich acenkach važnaha i stratehičnaha stanovišča AAT «Hrodna Azot» u biełaruskaj ekanomicy, jaho statusu dziaržaŭnaj kampanii, a taksama taho faktu, što «Hrodna Azot» padtrymlivaje režym Alaksandra Łukašenki, ujaŭlajučy saboj krynicu istotnych dachodaŭ.

Adpaviedna, Sud JEZ paličyŭ, što sankcyi suprać biełaruskich kampanij byli ŭviedzienyja pravamierna i pakinuŭ ich u sile.

AAT «Hrodna Azot» i jahony filijał «Chimvałakno» trapili ŭ piaty sankcyjny pakiet ES suprać Biełarusi ŭ śniežni 2021 hoda. U sankcyjnym śpisie tady fihuravali 17 fizičnych i 11 jurydyčnych asob, siarod jakich pradstaŭniki kamandavańnia pamiežnych vojskaŭ Biełarusi, supracoŭniki MZS i sudovaj sistemy, dziaržaŭny avijapieravozčyk «Biełavija», pradpryjemstvy turystyčnaha siektara i hateli, a taksama vytvorčaje abjadnańnie «Biełarusnafta».

Čytajcie taksama:

Akno ŭ Jeŭropu dla «Hrodna Azotu». Jak Uźbiekistan dapamahaje Biełarusi abychodzić zabaronu i pradavać u ES uhnajeńni padsankcyjnaha pradpryjemstva

Na «Hrodna-Azocie» karty palaka prapanujuć zdavać u KDB

U Hrodnie sudziać za chabar načalnika z «Hrodna Azota»

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

4

0

1

0

0

0