Stołtenbierh: Rasija nie zdatnaja na «značnyja praryvy» va Ukrainie
Hienieralny sakratar NATA Jens Stołtenbierh miarkuje, što rasijskija vojski nie zdolnyja na «značnyja praryvy» na poli boju va Ukrainie, u toj čas jak Kijeŭ udarami ŭhłyb terytoryi Rasii nanosić joj značnyja straty. Pra heta jon skazaŭ u intervju ahienctvu AFP.
Jens Stołtenbierh. Fota: Getty Image
Stołtenbierh adznačyŭ, što Rasija pačała čarhovy nastup va Ukrainie ciaham viasny-leta, «ale pakul tolki ź niaznačnymi pośpiechami».
«I ŭ nas niama nijakich inšych prykmiet abo pryčyn ličyć, što Rasija maje mahčymaści, siły dla značnych praryvaŭ», — dadaŭ jon.
Hienieralny sakratar aljansu, adnak, pieraściaroh, što Rasija, chutčej za ŭsio, «praciahnie prasoŭvacca pa linii frontu» i nanosić avijaŭdary pa Ukrainie.
«Ale my bačym, što ŭkraincy zmahli ŭtrymać liniju frontu. Jany zmahli i dalej nanosić ciažkija straty rasijskim akupantam — jak uzdoŭž linii frontu, tak i ŭdarami ŭhłyb rasijskaj terytoryi», — adznačyŭ Stołtenbierh.
U mai, jak viadoma, Rasija pačała novy nastup na poŭnačy Charkaŭskaj vobłaści, a taksama ŭzmacniła cisk na ŭschodzie Ukrainy, karystajučysia zatrymkami ŭ pastaŭkach USU zachodniaj zbroi.
Na Zachadzie adznačali, što rasijskija vojski majuć peŭnyja pośpiechi ŭ Danieckaj vobłaści, u pryvatnaści ŭ rajonie važnaha horada Časaŭ Jar, ale dazvoł ZŠA i inšych zachodnich krain nanosić udary pa rasijskaj terytoryi zatarmaziła prasoŭvańnie na Charkaŭščynie.
Čytajcie taksama:
Žachlivyja FOTA z Časavaha Jaru. Tak vyhladaje hety horad, za jaki ciapier iduć bai
Kolki razoŭ i dzie byvali na froncie Uładzimir Zialenski i Uładzimir Pucin
U Rasii raskazali, jak vyrašajuć prablemu ź mihrantami — ich adpraŭlajuć na vajnu va Ukrainu
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)