Siońnia nastupaje astranamičnaje leta. Noč na piatnicu budzie samaj karotkaj u hodzie
U Minsku sonca ŭzyšło ŭ 04:37, a siadzie tolki ŭ 21:45. Daŭžynia dnia składzie 17 hadzin 7 chvilin, a noč budzie doŭžycca ŭsiaho 6 hadzin 53 chviliny.
Uzychod na Viallaj. Naša Niva
Ale čym bližej na poŭnač, tym dzień daŭžejšy, a noč karaciejšaja.
Tak u Viciebsku sonca ŭzyšło ŭ 04:18, a siadzie ŭ 21:43, daŭžynia składzie 17 hadzin 25 chvilin.
U Talinie naohuł sonca, uzyšoŭšy ŭ 04:03, siadzie ŭ 22:42, daŭžynia dnia siońnia ŭ stalicy Estonii składzie 18 hadzin 39 chvilin.
U finskim Turku daŭžynia dnia budzie 19 hadzin 3 chviliny, a ŭ Ravanijemi — rezidencyi Śviatoha Mikałaja — naohuł nastupiŭ palarny dzień.
Sioleta nastupleńnie astranamičnaha leta i rańniaha soncastajańnia źviazana sa składanym uzajemadziejańniem pamiž arbitami Ziamli i Sonca, a taksama asablivaściami kalandarnaha letaźličeńnia. Viadoma, što štohadovy zvarot Ziamli vakoł Sonca nie dakładna roŭny 365 dniam. Jon zajmaje 365,242189 dzion. Kab uličyć hetuju roźnicu, u kalendary ŭviedzieny vysakosnyja hady.
U zvyčajnym hodzie 365 dzion, i kožny hod soncastajańnia i raŭnadzienstva nastupajuć krychu paźniej, čym u papiarednija hady. U vysakosnym hodzie 366 dzion. Daty soncastajańniaŭ i raŭnadzienstvaŭ sioleta nastupajuć na 18 hadzin, 11 chvilin i 14,87 siekundy raniej, čym hodam raniej.
Čytajcie taksama:
Z-za niepahadzi ciahniki ŭ Biełarusi iduć z adchileńniem ad hrafiku
U nastupnyja dni stanie jašče ciaplej, čakajucca mocnyja daždžy i navalnicy
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)