Jakim budzie nadvorje hetym letam?
Leta ŭ Biełarusi čakajecca vielmi ciopłym. Ale jość niuansy.
Čaho čakać bližejšyja try miesiacy raskazaŭ sinoptyk Dźmitryj Rabaŭ.
Analizujučy prahnastyčnuju infarmacyju suśvietnych mieteacentraŭ i instytutaŭ, možna mierkavać, što leta ŭ Biełarusi čakajecca vielmi ciopłym. Tempieraturny fon prahnazujecca na 1-2°C vyšejšym za klimatyčnuju normu, jakaja składaje +18°C.
Hałoŭnaj asablivaściu hetaha leta možna ličyć vialikuju źmienlivaść umoŭ nadvorja. Mahutnyja praciahłyja chvali ciapła buduć źmianiacca intensiŭnymi zaciažnymi pachaładańniami.
Pierachod ad ciapła da choładu i naadvarot budzie supravadžacca mocnymi liŭniami, navalnicam, škvałami, hradam.
Praciahłyja daždžy mohuć pryvodzić da pieraŭvilhatnieńnia hleby, deficytu ciapła i daždžavych pavodkaŭ. Chvali ciapła mohuć prynieści suchaviei, zasuchu i pryrodnyja pažary.
Kolkaść apadkaŭ čakajecca kala klimatyčnaj normy. Na praciahu leta nas čakaje ŭ siarednim ad 24 da 32 vilhotnych dzion.
